هي اجزل واشهر قصائد قيلت في قبيلة مطير في الفتره الماضيه
ولا يوجد احد يهتم بشعر او يتذوقه لم يسمع بهاذي القصائد سواء
كان من مطير ام لم يكن
وأتمنا ان اكون وفقت بالاختيار
((الـمـعـلــقــه الاولــــــــى))
هي لشاعر حنيف بن سعيدان(( ربـع مطيـر))
الا قيل وين مطير واخفـن الأرمـاس
الــراس بـيــن محـقـبـه واللهابـــه
كزوا لهم من عقب الأمطـار عسـاس
وتبـاشـروا بالصـلـب كـثـرة شـرابــه
وتقودوا فرسانهـم قحـص الأفـراس
وحـطـوا جنـيـح شــدة مــن حـرابـه
يتلون ابن سلطـان قطّـاع الأرمـاس
ديــن عـلـى ولــد الـدويـش ووفـابـه
يقـدا جمـوع كنهـا نـاب الأطعـاس
وصـم الحـوافـر مــا عرفـنـا حسـابـه
اسم على جسـم وجـد علـى سـاس
وفعـل قديـم مــن عـصـور الصحـابـه
ياشيخنـا مالـك حلـيّ مـن النـاس
كونـك صبـاح وكــون غـيـرك نهـابـه
كونك كبيـر ومنـه الأجنـاب تقتـاس
اليـا واجـه الطرقـي الأخـر حكـى بــه
مثـل نهـار يـوم الأريـاق يـبّـاس
مـن ذاق ضـرب ايمانهـم مـا سعـى بــه
خلي على صيانهـم حمـر الأكيـاس
والبـن الأشقـر مـا اهتنـوا فـي شـرابـه
ولا يزاعم الدوشان كود انقـر الـراس
الله يمّـن خــوف مــن لا سـعـى بــه
امهارهم فـي غبـة الكـون غطّـاس
وايمانـهـم تـرمـي الـعـشـى للـذيـابـه
لبّاسـة الماهـود والـدرع والطـاس
ومصقّـلـن تـدنــي المـنـايـا ذبـابــه
يجلي عن الكبد الصـدا سلـة المـاس
يــوم تـقـطّـع بالرضـيـمـه ضـبـابـه
من ضرب علوى خيلهم تمرس امراس
امــراس صـيــد مقتفـيـتـه ذيـابــه
ما عفّتوهـن عنـد زينـات الأجنـاس
وعنـد البـكـار الـلـي لـهـن انحطـابـه
عدونا يصبـر علـى كسـرة البـاس
وصديـقـنـا يـفـتـق زرار الـحـرابــه
والذود جعله فدوتن لـك عـن البـاس
ياشـوق مـن كـن الـزهـر فــي لبـابـه
((الـمـعـلــقــه الــثــانــيــه))
هي لشاعر دعسان بن حطاب((شاعر الدوشان))
يـا راكـب حيـل لهـن ارتـمـازي
ما فاتهـن ظبـي الخـلا لـو يفـزي
خفوفهـم يـشـد مـثـل الـغـوازي
واذيالـهـن قـطـم والاذنـيـن رزي
إليـا روح مـن عندنـا جـو غـازي
ارفـق وبالـك يـا لدليـلـه تـقـزي
امـا تشوفـون الطـوارف نــوازي
ولا سنـا ضــو المـنـارة يـنـزي
علوى إليا قالوا على الصلـب قـازي
تلقـى لهـم سلفـان بــدو تـحـزي
وإليا غشـا الصمـان مثـل القـزازي
كنـه يفتـش فـي مثانـيـه بــزي
وإليـا زبنهـم مجـرم مـا يـهـازي
يمشـي بقمـرن نورهـا مبـرهـزي
وإن صاح صياحن بـروس النـوازي
تجيـه دقــلات السبـايـا تـكـزي
صفـرن عليهـن طايريـن القـنـازي
وحمـرن عليهـن كـل طيـار قـزي
حنا هـل الشيخـة ولا مـن مهـازي
معنـا شويخـات القبـايـل تـلـزي
وربعي على الشطات شرواء خـزازي
عاقـل وثاقـل دايـمـن مقلـحـزي
يفرح بهـم شـروا خديـش البـرازي
راعـي قطيـع للحـبـارى يـجـزي
((الـمـعـلــقــه الــثــالــثــه))
هي للامير جهز بن شرار ((اصدق الشعـار))
يـا الله ياللـي عـالـم بالخفـيـة -
- يا والـي الاشيـا بتدبيـرك الزيـن
وحمـدت ربـي زيـن العلـم ليـه -
- ومن غير تدباره مـا حنـا مسويـن
وخـلاف ذا يـا راكـب عدملـيـه -
- منـوة موديـن الخبـار المعنـيـن
سلم على بن عقـاب زبـن الونيـه -
- ضيف الله اللي يحتمي خربة القيـن
عميلنـا اللـي نسنحـه بالغـزيـه -
- وهـو منـول مـا نوينـاه بالشيـن
يقـص جرتـنـا بـقـوم رويــه -
- مرة علـى أخذتنـا وحنـا معييـن
بأمـر الولـي والعـزوة العبدليـه -
- وربع على الصكات والهوش ضارين
يـوم أختلـط للعـج والملـح فيـه -
- رجنا على قـوم الشيـوخ القديميـن
شيـوخ الصخـا صبابـة الشاذليـه -
- أيضا والى جـت الفعايـل مديحيـن
مـا أذمهـم والله رقـيـب علـيـه -
- مـعـي الله والقبـايـل معـيـيـن
والخيـل نركبهـا الحـزوم الحفيـه -
- راحت بفرسـان الحمايـل مطيعيـن
وخـوان نـورة شافـوا المكرهيـه -
- راحن بهم قحص سـواة الشياهيـن
طـاح العشـى للذيابـة الجفشريـه -
- وأنـا لسرفـات الضريـا مضريـن
باكل الغصيـب ويـا جـدن البغيـه -
- ليا جا المقاضى عند طلابـه الديـن
والجيـش رديـنـاه رد الرعـيـه -
- ما راح لـو فوقـه رمـاة فواتيـن
خلـوا زبـون الجالـس العدمليـه -
- قاسم عقيـد أقطـاع بـدو منيسيـن
وخلـف ربيـع الضيـف والاهليـه -
- عيد القوايا اللي على الـزاد شفقيـن
يا ليت متعـب شـاف هاكـا العشيـه
ليته حضرنا شاف مـا شافـت العيـن
يـوم أقبلـوا مثـل الـورود الضميـه
والا يـشـادون الحجـيـج الملبـيـن
((الـمـعـلــقــه الــرابـــعـــه))
هــي لـشـاعـر غـنـيـم الـعـارضـي
يـوم عـدى الرقيبـه راس مشذوبـه
قـال زلــوا وجـتـك الخـيـل زرفـالـي
شفت انا شـوف ريبـه لا بليتـوا بـه
شـوف ريـبـه ومـنـه القـلـب يهتـالـي
لحقـت الخيـل بالتومـان مركـوبـه
مشتهـيـن الطـمـع مرخـيـن الأمـالــي
انتخيـنـا وكــل جــادع ثـوبـه
محتسـيـن الشجـاعـة بالـخـلا الخـالـي
وحولـوا لابتـي فـي كـل مسلوبـه
واقفـت الخـيـل معـهـا الــدم شـلالـي
كم جـواد بزيـن الصـدر مصيوبـه
راح رجلـي وعوضنـا عنـهـا الأحبـالـي
سبق الخيل ذبحـت بالسهـل صوبـه
وذبحـوا كـل فــارس فــوق مشـوالـي
شافوا الفعـل مـن ربـع تمنـوا بـه
وقـفـت الخـيـل معـهـاالـدم وشـالــي
يحسـب انـا نعـود عنـد منـدوبـه
يـوم يـرسـل عليـنـا خيـلـه ارسـالـي
هجننـا مـا ركبهـا كـل زاروبــه
كـود مـن هـو عريـب الجـد والخـالـي
الركايـب عيـال مطـيـر عيـوبـه
واحتـمـوا جيشـهـم ماضـيـن الأفعـالـي
الظفـر ساعـة وان حـل ماجـوبـه
والمـراجـل لـهـا حــزات وارجـالــي
مـل عيـن بكـت ماهـي بمصيوبـه
فـي نهـار رخـص ماكـان بــه غـالـي
كلمـا قلـت عنـا هــودوا نـوبـه
الحـقـوا سـربــة تسـعـيـن خـيـالـي
ويوم لحق الأميـر ولحقـت الشوبـه
لا قـرايــاولا مـزبــن ولا جــالــي
ياعمـار بسـوق المـوت مجلـوبـه
مـا هقيـنـا عـلـى الدنـيـا لـنـا تـالـي
مادرى اناهرجنا بالـي هرجتـوا بـه
مــارثــة جدنـافـكـاكـة الـتــالــي
والولـد فـي شبابـه رأس عذروبـه
كـان ماهـو يلـطـم كــل مــن عـالـي
وساعة العسر معهـا اليسـر مكتوبـه
ونحـمـدالله ونشـكـر ربـنــا الـوالــي
من شريق الضحـى ياغافـر التوبـه
لـيـن غـابـت وحـنـا هــوش وقتـالـي
وفعلنا اللـي بقـى والنـاس عجوبـه
يرفـع الـراس مــع تـاريـخ الاجيـالـي
والله اللـي يقـدي العـبـد بـدروبـه
ينفـع العبـد فــي بعـضـات الأحـوالـي
((الـمـعـلــقــه الـخــامــســه))
هـي لشـاعـر جــارالله بــن مصـيـول
يالله ياللـي تلتجـي فـيـك الـعـرب
ياللي خلقـت النفـس تبصـر بحالهـا
أفـرج لعيـنٍ حاربـت لـذ نومـهـا
عيـت تـذوق النـوم طـارٍ طرالهـا
شبيـت انـا ضـوي وادنيـت دلتـي
وادنيـت محمـاسٍ وحمسـت أنالهـا
وكبيتهـا بنـجـرٍ تـزايـد بالـعـوى
عـوا ولبـةٍ تقنـب لذيـبٍ عوالـهـا
وذعرتهـا بالهيـل وانقـاد خاطـري
تسـوى البخيـل وماملـك فنجالـهـا
تذكرت انـا ربعـي وهلـت دمعتـي
وعيـن الخطـا تبكـي ولا ينبكالـهـا
وحالـي غـدت ومابـاقٍ الا قليلـهـا
وعلـى امتحـان النفـس واعزتالهـا
ان كان تالي الوقتها مثـل مـا مضـى
الموت عـن تالـي الحيـاه اشوالهـا
يامزنـةٍ ترهـب وصـلـفٍ مهبـهـا
تزول العقـول اللازيـة مـن خيالهـا
مطرها المشوك وام خمس ورعودهـا
وبرقهـا ملـح القريـزي اشتعالـهـا
تصفق شغايا شعبانها الجيش والرمـك
وتخالـف الاصـوات عنـد احتمالهـا
حـذف الجنايـز فـي نحرهـا كنهـا
مثـل الخشـب شيبانـهـا وعيالـهـا
مناويـع حـرً حالهـا مـن دارهــا
والمسكر تلقـى جالهـا مـن رجالهـا
هلت على بـوش الصبـاح وارعاتهـا
لحقهم شراة المـوت صـافٍ زلالهـا
والله مـن عذراًكمـا الشـرح ثوبهـا
ناحـت حلايببهـا مـع ابـو عيالهـا
ثارت وثارت فـي ضميـره مشـوك
وطارت قطع كبده مـن السـو شالهـا
صاحت وصاحت ثـم شقـت جيبهـا
لـعـل مـافـال الصـديـق بفالـهـا
وكــم هـنـوفٍ ملتونـبـه عـاقـه
من ضرب ربعـي فلـت الله احبالهـا
يدعيلها بالحـرج والله نوالهـا بالفـرج
تدعي لهم مـن كثـر تعـسٍ جرالهـا
ولحقهم طياييـرٍ تحـت جـو السمـاء
تركض تنابيـل الكفـر فـي ظلالهـا
الـدان ينـزل والمكـايـن تشتـغـل
متخالـطـه ادوالـهـا واهـوالـهـا
وش علـم الجهيـل هـوشٍ لـلـدول
الله يتـابـع للنـشـامـه جمـالـهـا
حالـت علـى ربـعٍ يشلـون الدمـى
شل الروي مـن فـوق زمـلٍ شالهـا
نـادا مناحـي يـوم تركـي ردهــا
يـقـول هــاذي قـالـةٍ حنـالـهـا
ولا عقـب شـوف العـيـن تغـبـي
نفـس تـذل اليـوم جعلـه زوالـهـا
وحول حسين وقـال سـووا سواتـي
عيب على اللي مايجـي فـي حيالهـا
وخلـو تنابـيـل القـريـزي كنـهـا
بيـوت النـدي متخـالـف منزالـهـا
وانـا بشيـر الطيـر منهـم بالعـشـا
والذيب والضبعه تناعل ربعي لحالهـا
وانـا فـدا للـي ثنـوا دون ربعـهـم
يوم أهـل السنحـات تزايـد جفالهـا
واصل مطوعة الصعب ذربة العـرب
وانشد مع الاجناب ليـا جـاء مجالهـا
مزاهيف بالجـود بعـادٍ عـن الـردى
شهـب النجـوم اللـي تهـدم جبالهـا
الله مصلطـنـا عـلــى عـدوانــا
كما نفس كرهن فـي خبيـث اعمالهـا
وحنـا ليـا اقفيـنـا نـضـد الـعـدا
ومـن فـوق حيـل والسعـد يبرالهـا
وحنـا ليـا ذكـر الحيـا يـم ديـره
بالقـول والافـعـال حـنـا ننالـهـا
نـضـدهـم لـيــن يسلـمـولـنـا
يستسلمون باللـي بقـا مـن حلالهـا
((الـمـعـلــقــه الــســادســـه))
وهــي لشـاعـر مـعــدي الـزعـبـوط
الله من قلـب مـن الضيـق مشحـون
مثل الصميل الى انشحن وانتـر مـاه
ايضا وعينـي دمعهـا غـرق النـون
وعزي لمن صار البكـا راس جـدواه
بكيـت مثـل اللـي مقلـن ومديـون
باع الحلال وباقـي الديـن مـا وفـاه
أذكر مطير اللـي لهـم فـن وفنـون
سكن الخلا لوهـو مخافـه ومضمـاه
ذكرت دوشان علـى العلـم يمضـون
حمايـة الصمـان مـن كـل مجهـاه
اللـي ليـا قالـوا جـواب يتـمـون
قولـن وكيـد وكـل الامـات تـدراه
واصـل مخليـت الحرابـه يجظـون
حوفان وظفورن على الخيل وعصـاه
الى اوحيتهم وسط المجالس يهرجـون
قالـوا هـذا غـاره وهـذا هجـدنـاه
وهـذا صبـاح يـوم الامـه يصلـون
يومـن كلـن باحسـن الحمـد يقـراه
واذكر حصان حـد وهمـه يشوفـون
والكـل منهـم ذل مـن مثـل ماجـاه
نحاز الحريب الي كبـا كـل ممهـون
يقدى جمـوع وتـورد السـوء يمنـاه
شيخن على صفـق الاجانيـب مفتـون
يـا بعـد صفقاتـه للاجانيـب بعـداه
الى شاف لمات العرب تقـل مجنـون
يصفـق هـذولا ثـم لـد لـهـذولاه
من جيلنا التالي الـى جيـل هـارون
والله ماشيـخـن يـسـوي سـوايـاه
مطيـر عقبـه هقوتـي مايعيـشـون
من بان راس الذل مـن قطـع علبـاه
ياليتهـم عقـبـه بنـقـره يمـوتـون
المـوت اخيـر مـن الحيـاة المهبـاه
((الـمـعـلــقــه الــســابــعــه))
وهـي للامـيـر صـاهـود بــن لامــي
غزيت أنـا ياعبيـد بهـلال عاشـور
وأول صفـر والتـوم كلـه تمـامـي
ستـة أشهـر فوقهنـه تقـل ماسـور
ابطيـت أنـا ماشفـت زاه الوشامـي
كـم فاطـر فـي نيهـا يقعـد الكـور
تفصم مضاريس الرسـن والخطامـي
صبح أربع من يم عرعر وأبـا القـور
حمـر تناسـع بالنشـامـا همـامـي
واليوم دونك كوعهـا لاحـن الـزور
مثل الغشيـش اللـي طـواه الهيامـي
يذكر لنـا ياعبيـد شلخـان وصقـور
بايمن شعيب صـواب ذاك الزوامـي
ندوسهـم ياعبيـد مـع شقـت النـور
كما يـدوس الجـول فـرخ القطامـي
ولونهـا فـي مطلـق قاسـي الشـور
هذيـك هـي اللـي عليهـا الجهامـي
وعنـا تنحـا بالقبيسـه ورا الـهـور
نـوخ مـنـاخ معقلـيـن الجهـامـي
ومن طال عمـره ماقصرتـوه بنـذور
ون ساعفـه ياعبيـد وهـب الولامـي
وياما حـلا جيـب المغاتيـر دعثـور
من فوق حمر مثـل جـول النعامـي
وعلم نطرش به دهش هـو منصـور
وفوايـة تنـهـج شـمـال ويـامـي
لعيون من قرنه علـى المتـن منثـور
وقذيلتـه تشـدي لـريـش النعـامـي
وربعي مهديت الصعب كل مصطـور
بصمع مضاربهـن تقـص العظامـي
ليست هناك تعليقات:
إرسال تعليق